السلام عليكم ..

مرحبا بكم في منتدى " نبضات الفـن "

أتمنى تسجيلكم معنا لقضاء وقت ممتع بصحبتنا ^_^ .



 
الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 حامد زيد ( أربع خناجر ) حلوووووووه

اذهب الى الأسفل 
كاتب الموضوعرسالة
alkaaaa
مدير المنتدى
مدير المنتدى
avatar

ذكر عدد الرسائل : 123
الموقع : نبضات الفن
العمل/الترفيه : عالنتـ
المزاج : زي النـاس
وطني :
مزاجي :
المهنه :
الهواية :
الجنس :
تاريخ التسجيل : 31/12/2007

مُساهمةموضوع: حامد زيد ( أربع خناجر ) حلوووووووه   السبت أبريل 12, 2008 7:12 am

مشكله لا جات حاجتك بيدين البخيل
مايفكك لين تدفع كثر مايدفعه




ومشكله لا صرت مطعون بكفوف الدخيل
في ظهرك اربع خناجر وبالصدر اربعه




ومشكله لا ضاق بالوقت رجالً ثقيل
يطلب احبابه وعيا زمانه ينفعه




ليت ربي مايحاسب خليلً من خليل
دام مال الحظ فزعه وللوجه اقنعه




ودام مال العذل تالي ومابالحيل حيل
الغلا سماً نذوقه ومرً نجرعه




نحتري فيه القا والحصيل هو الحصيل
مثل حلماً ماتحقق وعيت اقطعه




كني اللي حط بشفاه من جمر المليل
لا قدر يرميه للناس وزرا يبلعه




والظروف اللي حدتني لنيران وفتيل
عرضت دمع المحاجر لشيً يجزعه




والمدامع بالغلا لا تحال ولا تحيل
والمشاكل كل ماجات جات مجمعه




اعذلوني عن هوى النفس وعيوني تخيل
في حبيب ٍ ماتركته ولازلت اتبعه




مغرم في حب مثله ولا ارضى له بديل
عيني تشوفه وقلبي يجوع ويشبعه




ذاك كل مازان بالي وطالعت النخيل
ماذكرت الا ثباته بوقت الزعزعه




ماهو الاقطعة من حشا قلباً عليل
وماني الا قطعة منه مخلوقً معه




لا جميل شفت قبله ولا بعده جميل
العذارا رهن رمشه وانا رهن اصبعه




والله انه لو طلبني اطلوع المستحيل
لا اطلعه مني مناك يعني لا اطلعه




ماعلي من الملامه وهرج الهبيل
مشجع الرجال لا ثار غيره مشجعه




في عيون اللي عشقني ولا جاني هزيل
الله اللي حط عشقه بقلبي وزرعه




لو سكت ينطق له الصم والدنيا تسيل
وان حكى لو يمشي المزن ياقف يسمعه




سلسبيل من شفاته يخالط سلسبيل
معمعه بسكات واحلا سكات بمعمعه




ماهقيت ان اكثر الليل يمرح بالجديل
لين شفته شوف عيني بكفه يرفعه




وان حيت ومابقالي معه ياكود ليل
لا اسهره بأول غروبه وموت بمطلعه




والله ان العشق جمره وطاحت بالشليل
وان حصل ماطاعك الوقت بحبابك طعه




من هو اللي علم عداي نكران الجميل
ومن هو اللي خان خلي وحاول يقنعه




كل عاذل ردني عنك يالطرف الكحيل
ياعسى الله يقلعه ياعسى الله يقلعه




يامعرض قلب الاحباب للدرب الطويل
السعه لا بارك الله بالضيق السعه




والله ان الوقت قاسي وانا ماني ذليل
واشهد ان الرجل مرات ظنه يخدعه




وانتم اتعذلون خفاق بعيون العديل
مارحمتم نار جرحه وحيرة مدمعه




والسوالف ليلها ليل والحايل يحيل
والمشاكل مشكله بمشكله متجمعه




مشكله لا خانك الوقت بالحمل الثقيل
لو زرعت الزرع هوج العواصف يشلعه




ومشكله لاصار عاذلك مايبرد غليل
لا ترده طيب كلمه ولحدً يمنعه




ومشكله لا صرت مطعون بكفوف الدخيل
في ظهرك اربع خناجر وبالصدر اربعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nbadat.5forum.net
عــــهــــد
الإداره
الإداره
avatar

انثى عدد الرسائل : 210
العمر : 27
العمل/الترفيه : طالبة
المزاج : nice
وطني :
مزاجي :
المهنه :
الهواية :
الجنس :
تاريخ التسجيل : 31/01/2008

مُساهمةموضوع: رد: حامد زيد ( أربع خناجر ) حلوووووووه   السبت أبريل 12, 2008 2:06 pm

الله حلوووة

يسلمووو الكااا ،، صراحه كل قصايد حامد زيد رووعه


شوشو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkaaaa
مدير المنتدى
مدير المنتدى
avatar

ذكر عدد الرسائل : 123
الموقع : نبضات الفن
العمل/الترفيه : عالنتـ
المزاج : زي النـاس
وطني :
مزاجي :
المهنه :
الهواية :
الجنس :
تاريخ التسجيل : 31/12/2007

مُساهمةموضوع: رد: حامد زيد ( أربع خناجر ) حلوووووووه   السبت أبريل 12, 2008 5:37 pm

مشكوووره على المرور يا شذى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nbadat.5forum.net
 
حامد زيد ( أربع خناجر ) حلوووووووه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم الأدبي :: منتدى الشعر و النثر وأبيات القصيد-
انتقل الى: